Vastas La Mondo, Multas Laboro

Kim Woo-Choong (1936- ) estis malriĉa knabo, kiu vendis ĵurnalojn surstrate antaŭ 40 jaroj, kaj nun estas la prezidanto de Daewoo-Grupo, la 24a plej granda entrepreno en la mondo, elektita de la gazeto Fortune, kaj la 3a en Koreio. Ĝia jara vendado superas 65 miliardojn da usonaj dolaroj kaj ĝi havas siajn filiojn en 85 landoj en la mondo. Li estis unu el cent elstaruloj elektitaj de koreaj studentoj. Internacia Ĉambro de Komerco aljuĝis al li la premion "Internacia Entreprenisto" (1984). Li havas honordoktorecojn de Yonsei Universitato en Koreio, de George Washington Universitato en Usono kaj de 10 aliaj universitatoj. Tiu ĉi verko inkluzivas liajn travivaĵojn kaj rakontojn, kiuj estas tre valoraj.